Аляксандра Пятрашку асудзілі на паўтара года пазбаўлення волі ў калоніі агульнага рэжыму. Вядома, што Аляксандр прызнаў віну. Суддзя Гродзенскага абласнога суда Васіль Скок прызнаў яго вінаватым паводле арт. 130 (распальванне варожасці) і арт. 369 (абраза прадстаўніка ўлады) Крымінальнага кодэкса. Судзілі мужчыну за каментарый, паведамляе «Вясна».
Аляксандр быў затрыманы ў верасні 2021 года ў Гродне па крымінальнай справе, распачатай за каментарыі ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і IT-спецыяліста Андрэя Зельцэра. У чэрвені гэтага года КДБ унёс яго ў спіс «асоб, якія маюць дачыненне да тэрарыстычнай дзейнасці».
