«Фармат — страшны сон нашага Міністэрства адукацыі». Выпускныя ў Даніі
Фатограф з Крэва Сяргей Гапон, які цяпер жыве ў Даніі, пабываў на школьным выпускным у Даніі і дзеліцца ў сацсетках сваімі ўражаннямі, ілюструючы іх цудоўнымі аўтарскімі здымкамі.
«У гэтыя дні па ўсёй Даніі праходзяць школьныя выпускныя. Фармат — страшны сон нашага Міністэрства адукацыі. Школьнікі на грузавіках з музыкай і вёдрамі піва катаюцца па гарадах і вёсках, ездзяць ад хаты да хаты кожнага аднакласніка, дзе святкуюць разам з бацькамі ды іншымі сваякамі.
Каб адправіцца ў тур непасрэдна ў дзень уручэння дыпломаў, фуры замаўляюць за 1,5-2 гады! Кожнае выпітае піва (0,33мл) — рыска маркерам на руцэ. У некаторых ужо ў абед гэтых рысак было на 10 літраў.
А ў Капенгагене з 50-х гадоў з'явілася яшчэ і традыцыя купацца ў Stork Fountain: тады першымі сюды прыйшлі выпускніцы-акушэркі з медкаледжа, зараз жа гэта культавае месца ўсіх сталічных выпускнікоў.
Здымаючы дацкае свята, думалася, што беларускія выпускныя — гэта цырымонія, на якой самі выпускнікі граюць толькі другасную ролю. На першым плане — школа і настаўнікі, ім — падзяка і падарункі. Лейтматывам гучыць «Мы вас выхавалі і вы нам вінныя». У Даніі галоўныя зоркі — школьнікі. У прамовах гучыць «Вы малайцы», а мясцовыя банкі і іншы бізнэс узнагароджваюць лепшых.
Да ўсяго — ніхто не заганяецца на сваім знешнім выглядзе: простыя сукенкі, просты абутак. Сама цырымонія атрымання дыпломаў пакідае ўражанне лёгкасці».
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў7
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары