Тры гады калоніі прысудзілі маладзечанцу са «спісу тэрарыстаў» за абразу Лукашэнкі і прадстаўнікоў улады
Мінскі абласны суд на закрытым пасяджэнні вынес абвінаваўчы прысуд жыхару Маладэчна Сяргею Аляксяеўскаму, абвінавачанаму ў распальванні сацыяльнай варожасці (ч. 1 арт. 130 КК) і абразе Лукашэнкі і прадстаўнікоў улады, паведамляе «Вясна».
Па версіі абвінавачання, Аляксяеўскі з чэрвеня 2020-га па верасень 2021 года «размясціў у розных агульнадаступных групах у «Вконтакте» каментарыі, накіраваныя на стварэнне ў аўдыторыі лжывага ўяўлення пра нелегітымнасць дзеянняў праваахоўнага блока пры выкананні службовых абавязкаў, узбуджэнне нянавісці, сацыяльнай варожасці і варожасці па прыкмеце прыналежнасці да прафесіі».
Ён жа ў названай сацсетцы нібыта публічна абразіў Лукашэнку і іншых прадстаўнікоў улады. Усе гэтыя каментарыі былі пакінутыя пасля гібелі падчас перастрэлкі супрацоўніка КДБ Дзмітрыя Федасюка і IT-спецыяліста Андрэя Зэльцэра.
Падчас папярэдняга следства і на судовым пасяджэнні Алексяеўскі вінаватым сябе не прызнаў.
У чэрвені 2022 года сілавікі ўнеслі Сяргея Аляксяеўскага ў «спіс асобаў, датычных да тэрарыстычнай дзейнасці». Уключэнне ў гэты спіс паводле зусім адвольнага прынцыпу — дадатковы элемент здзеку з палітзняволеных у вязніцах. Цяпер у гэтым спісе — 137 беларусаў, ніводзін з якіх да рэальнай тэрарыстычнай дзейнасці не мае дачынення.
Чытайце таксама:
Беларусы — чэмпіёны свету па колькасці тэрарыстаў, згодна з КДБ. Паглядзелі, за што туды запісваюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары