Try hady kałonii prysudzili maładziečancu sa «śpisu terarystaŭ» za abrazu Łukašenki i pradstaŭnikoŭ ułady
Minski abłasny sud na zakrytym pasiadžeńni vynies abvinavaŭčy prysud žycharu Maładečna Siarhieju Alaksiajeŭskamu, abvinavačanamu ŭ raspalvańni sacyjalnaj varožaści (č. 1 art. 130 KK) i abrazie Łukašenki i pradstaŭnikoŭ ułady, paviedamlaje «Viasna».
Pa viersii abvinavačańnia, Alaksiajeŭski z červienia 2020-ha pa vierasień 2021 hoda «raźmiaściŭ u roznych ahulnadastupnych hrupach u «Vkontaktie» kamientaryi, nakiravanyja na stvareńnie ŭ aŭdytoryi łžyvaha ŭjaŭleńnia pra nielehitymnaść dziejańniaŭ pravaachoŭnaha błoka pry vykanańni słužbovych abaviazkaŭ, uzbudžeńnie nianaviści, sacyjalnaj varožaści i varožaści pa prykmiecie prynaležnaści da prafiesii».
Jon ža ŭ nazvanaj sacsietcy nibyta publična abraziŭ Łukašenku i inšych pradstaŭnikoŭ ułady. Usie hetyja kamientaryi byli pakinutyja paśla hibieli padčas pierastrełki supracoŭnika KDB Dźmitryja Fiedasiuka i IT-śpiecyjalista Andreja Zelcera.
Padčas papiaredniaha śledstva i na sudovym pasiadžeńni Aleksiajeŭski vinavatym siabie nie pryznaŭ.
U červieni 2022 hoda siłaviki ŭnieśli Siarhieja Alaksiajeŭskaha ŭ «śpis asobaŭ, datyčnych da terarystyčnaj dziejnaści». Uklučeńnie ŭ hety śpis pavodle zusim advolnaha pryncypu — dadatkovy elemient ździeku z palitźniavolenych u viaźnicach. Ciapier u hetym śpisie — 137 biełarusaŭ, nivodzin ź jakich da realnaj terarystyčnaj dziejnaści nie maje dačynieńnia.
Čytajcie taksama:
Biełarusy — čempijony śvietu pa kolkaści terarystaŭ, zhodna z KDB. Pahladzieli, za što tudy zapisvajuć
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks16
Kamientary