Беларусы — чэмпіёны свету па колькасці тэрарыстаў, згодна з КДБ. Паглядзелі, за што туды запісваюць
Цяпер у спісе людзей, датычных да тэрарыстычнай дзейнасці, які складае КДБ, 137 беларусаў. Афганцаў там, да прыкладу, 129 чалавек, а іракцаў — 84. Мы паглядзелі, па якіх справах праходзяць беларусы-«тэрарысты».
Адзінае, што аб'ядноўвае беларусаў у спісе КДБ, — усе яны ўнесеныя туды па пратэсных справах. Большасць з іх ужо прызнаныя палітвязнямі.
Іншаземцы ж унесеныя па спісах ААН. То-бок, гэта людзі, якія міжнароднай супольнасцю аднагалосна прызнаныя тэрарыстамі — кіраўнікі тэрарыстычных арганізацыяў кшталту ІДІЛ ці Аль-Каіды, арганізатары масавага забойства людзей ці генацыду, распрацоўшчыкі зброі масавага паражэння.
Найбольшая група беларусаў, унесеных у «тэрарысты» (50 чалавек), — гэты тыя, каго абвінавачваюць у спрыянні тэрарыстычным актам ці здзяйсненні такіх актаў (артыкул 289 КК). У гэты шэраг ўваходзяць байполаўцы, восем фігурантаў «справы Аўтуховіча», Святлана Ціханоўская, Антон Матолька, Ігар Макар, Павел Латушка, Вольга Карач, Аляксандр Зайцаў, фігуранты справаў Атрадаў грамадзянскай самаабароны, анархісты з «групы Аліневіча» і рэйкавыя партызаны.
Далей ідуць каментатары (артыкул 130 КК), якіх ужо 43 чалавекі. Сюды ўключаны, да прыкладу, хірург Андрэй Любецкі.
Шаснаццаці інкрымінаваны ўдзел у масавых беспарадках або іх арганізацыя. Тут ёсць як шараговыя ўдзельнікі пратэстаў, так і Сцяпан Пуціла разам з Раманам Пратасевічам, які нядаўна чарговы раз ажаніўся.
Дзесяці адначасова інкрымінуецца распальванне варажнечы і спрыянне масавым беспарадкам. Сюды ўваходзяць Ігар Лосік, Сяргей Ціханоўскі і адміністратар чата «Краіна для жыцця Полацк Наваполацк» Анатоль Мацулевіч.
Асабняком стаяць фігуранты справы «Буслы Ляцяць» і арганізатары руху «Супраціў» (Шчыгельскі, Кулажэнка, Шаметавец) — дзевяць чалавек вінавацяць ва ўдзеле ў арганізацыі, датычнай да тэрарыстычнай дзейнасці. Нядаўна «НН» публікавала інтэрв'ю з фігурантам справы «Буслы Ляцяць», які застаўся на волі.
Пяцярых беларусаў прызналі вінаватымі ў закліках да шкоды нацыянальнай беспецы. Сярод іх студэнтка з Кірава Данута Перадня, Марыя Калеснікава ды Максім Знак.
У спісе КДБ таксама ўдзельнік пастановачнага замаху на Азаронка і Вольга Маёрава з Віктарам Снегурам, фігуранты справы Аўтуховіча, якіх абвінавачваюць у незаконных дзеяннях з агнястрэльнай зброяй дзеля здзяйснення злачынстваў.
Цяпер чытаюць
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары
гостеррор населения, террористом незаконно захватившим власть в Беларуси.
Другим способом он не может удерживать власть, только с помощью террора и репрессии населения, да находясь в узаконенном режиме не до закона.
Белорусы дожны понять и КГБ в том числе, что этот режим установлен до смерти
этого человека, а значит, до его смерти не будет нормальной жизни в этой стране и нормального развития этой страны.