У пункце пропуску «Беняконі» пагранічны нарад затрымаў грамадзяніна Літвы. Мужчына паспрабаваў уехаць у Беларусь з пашпартам, з якога было вырвана 8 старонак. У далейшым высветлілася, што ў яго былі з сабой яшчэ і наркотыкі, паведамляе Памежны камітэт.
Інцыдэнт адбыўся 23 ліпеня. Парушальнік патлумачыў, што ведаў пра выдраныя старонкі, але паспадзяваўся на поспех, бо літоўскія памежнікі без праблем прапусцілі яго па несапраўдным дакуменце.
Таксама ў працэсе пагранкантролю з дапамогай службовага сабакі ў мужчыны быў выяўлены скрутак з рэчывам цёмна-зялёнага колеру, схаваны ў пачку з цыгарэтамі. Па выніках экспертызы змесціва скрутка аказалася марыхуанай.
За спробу незаконнага перасячэння мяжы літоўца прыцягнулі да адміністрацыйнай адказнасці, а вось за незаконны абарот і перамяшчэнне наркотыкаў праз мяжу яму пагражае да 7 гадоў пазбаўлення волі.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку18
Каментары