Галоўнакамандуючы УСУ: Мы адпомсцім за ўсе зверствы расіян над нашымі палоннымі
Галоўнакамандуючы Узброеных сілаў Украіны Валерый Залужны ў сваім тэлеграм-канале эмацыйна адрэагаваў на апошнія навіны пра тое, як здзекуюцца расіяне з украінскіх ваеннапалонных, калечачы і забіваючы іх.
«Расія — дзяржава-тэрарыст. Зверствы расіян, якія яны чыняць з нашымі ваеннапалоннымі, выклікаюць лютасць.
Мы адпомсцім за кожнага загінулага або скалечанага субрата.
У адрозненне ад расійскіх ваенных злачынцаў, мы прытрымліваемся нормаў міжнароднага гуманітарнага права. У той жа час зробім усё магчымае і немагчымае, каб пакараць вінаватых у злачынствах супраць нашых братоў, сясцёр і мірных грамадзян.
Гэтыя злачынствы не маюць тэрмінаў даўніны. Ведайце, ворагі, вам не будзе месца на Зямлі», — напісаў Залужны.
Каментары