Служба бяспекі Украіны апублікавала перахоп размовы пра трагедыю ў Аленаўцы
Служба бяспекі Украіны апублікавала перахоп размовы асоб з расійскага боку, у якой гаворка ідзе пра начныя падзеі ў калоніі ў Аленаўцы Данецкай вобласці, падчас якіх загінулі дзясяткі ваеннапалонных з палка «Азоў». Расійскі бок імкнецца ўсё гэта зваліць на ўкраінскія абстрэлы, але перахопленая размова і іншыя матэрыялы гэта не пацвярджаюць.
Адзін з суразмоўцаў у апублікаванай размове кажа прыблізна наступнае:
«Яны самі ў*балі казарму. Там было каля 200 чалавек, учора іх перасялілі на прамзону і зрабілі тыпу казармы. Характэрных гукаў прылётаў не было. Гэта ўсё падстроена, хутчэй за ўсё. І яшчэ было тры стрэлы аўтаматных, а потым пажар і г. д. Яны, хутчэй за ўсё, заклалі выбуховае прыстасаванне. Прылётаў не было».
Дарадца кіраўніка Офіса прэзідэнта Украіны Аляксей Арастовіч, у сваю чаргу, паведамляе ў сваім тэлеграм-канале:
«Спецыялісты-піратэхнікі, аналізуючы расійскае відэа з Аленаўкі, кажуць, што карціна больш падобная на падрыў рэчыва з высокай тэмпературай гарэння ўсярэдзіне самога будынка, чым на вынік абстрэлу.
Папярэдне, гэта не столькі (ці не толькі) абстрэл, колькі — падобна на спробу прыбраць сляды злачынства пасля падзей, якія адбыліся ў будынку.
Адна з галоўных прыкмет — людзі ў будынку не раскіданыя як ад выбуху, а падобна, што абгарэлі целы людзей, якія ўжо былі мёртвыя на момант пачатку пажару».
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу25
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ4949
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ49
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары