21 верасня пачаўся суд над Дамінікам дэ Вільпэнам, былым прэм’ер‑міністрам Францыі, паведамляе RTL.
Палітыка абвінавачваюць у суўдзеле ў загадзя лжывым даносе: ён нібыта хацеў узвесці паклёп на свайго аднапартыйца і цяперашняга прэзідэнта краіны Нікаля Сарказі.
У 2004 г. французскаму суддзю быў накіраваны спіс палітыкаў, якія нібыта адмывалі грошы праз фінансавую кампанію Clearstream. Сярод іх быў і Сарказі, які тады займаў пост міністра ўнутраных спраў. У выніку аказалася, што спіс фальсіфікаваны. У той час дэ Вільпэн ужо ўзначальваў урад краіны. Бок абвінавачання лічыць, што былы прэм’ер і яго паплечнікі хацелі абылгаць Сарказі, каб ліквідаваць яго ў якасці суперніка на прэзідэнцкіх выбарах.
Калі палітыка прызнаюць вінаватым, яму пагражае тэрмін у пяць гадоў пазбаўлення волі і штраф у 45 тысяч еўра.
Французскія СМІ называюць суд на дэ Вільпенам «працэсам дзесяцігоддзя». Сарказі, які з’яўяляецца адным з пазоўнікаў, не будзе прысутнічаць у судзе, бо займае пасаду прэзідэнта краіны.
-
Францыя, Германія і Вялікабрытанія папярэдзілі Іран пра магчымасць ваеннага ўмяшання
-
У Тэхасе мужчына расстраляў натоўп каля бара. СМІ звязваюць гэта з амерыканскімі ўдарамі па Іране
-
ЗША пацвердзілі выкарыстанне стэлс-бамбардзіроўшчыкаў B-2 для ўдараў па Іране. Яны выканалі беспасадачны пералёт праз палову свету з базы ў Місуры
У Познані гінеколаг выдаліў 24‑гадовай беларусцы матку і яечнікі без яе згоды. Яму пагражае да 20 гадоў турмы12
Каментары