Анджэй Пачобут пачаў знаёміцца з матэрыяламі справы. Хутка яе могуць перадаць у суд
Пра гэта палітвязень паведаміў у лісце жонцы, піша тэлеграм-канал «Право имеют».
Андрэй Пачобут — гродзенскі журналіст і сябра «Саюзу палякаў» у Беларусі. Яму прад'явілі абвінавачанне паводле арт. 130 (Распальванне расавай, нацыянальнай, рэлігійнай або іншай сацыяльнай варожасці або варажнечы).
У абвінавачанні супраць журналіста гаворыцца, што Пачобут у медыях назваў агрэсіяй напад СССР на Польшчу ў 1939 годзе. Акрамя гэтага яму інкрымінавалі заявы ў абарону польскай меншасці ў Беларусі, артыкулы пра беларускія пратэсты ў 2020-м і тэкст, напісаны ў 2006 годзе і прысвечаны Анатолю Радзівоніку, аднаму з камандзіраў польскага антыкамуністычнага падполля на Гродзеншчыне.
Таксама вядома, што восенню 2021 года Пачобут адмовіўся пісаць прашэнне аб памілаванні на імя Лукашэнкі.
Расійскія прапагандысты выдумалі ўдар дрона па турыстычным аўтобусе. Але ў гісторыі ёсць загадкавыя фуры5
Каментары