Politico: Лідары ЕС у ліпені ўпершыню не далі Кіеву новых абяцанняў ваеннай дапамогі
Еўропа пачала зніжаць аб'ёмы ваеннай дапамогі Украіне. У ліпені шэсць найбуйнейшых еўрапейскіх краін не прапанавалі ёй ніякіх новых вайсковых абавязанняў упершыню з пачатку вайны, піша «Бі-бі-сі» са спасылкай на выданне Politico.
Свежыя даныя па пастаўках зброі ад Вялікабрытаніі, Францыі, Германіі, Іспаніі, Італіі і Польшчы, якія збірае Кільскі Інстытут сусветнай эканомікі, сведчаць аб скарачэнні дапамогі ад еўрапейскіх краін.
Гэта пацвярджае шматлікія выказванні ўкраінскіх ваенных чыноўнікаў і палітыкаў: буйныя еўрапейскія дзяржавы зніжаюць тэмпы ў ваеннай дапамозе, а першапачаткова самыя актыўныя памочнікі Украіны — Вялікабрытанія і Польшча, павыдыхаліся.
Крыстаф Трэбеш, кіраўнік Інстытуцкай групы, якая адсочвае пастаўкі зброі Украіне, кажа, што еўрапейскія абавязацельствы па ваеннай дапамозе Украіне пачалі зніжацца з канца красавіка.
«Нягледзячы на тое, што вайна ўступіла ў крытычную фазу, новыя ініцыятывы па аказанні дапамогі вычарпаліся», — кажа ён.
Міністр абароны Латвіі Арціс Пабрыкс раней заяўляў Politico, што такія краіны, як Францыя і Нямеччына, павінны зрабіць больш для дапамогі Украіне ў яе супрацьстаянні расійскай агрэсіі.
«Калі мы хочам, каб вайна скончылася як мага хутчэй, яны павінны спытаць сябе, ці дастаткова яны робяць?» — сказаў ён, паказваючы, што рэальная дапамога гэтых краін непрапарцыйная іх магчымасцям.
Падобны спад у пастаўках неабходнай зброі адзначаецца і з боку галоўнага донара — ЗША. Каля двух дзясяткаў буйных амерыканскіх адстаўных вайскоўцаў, дыпламатаў, а таксама прадстаўнікоў экспертнай супольнасці звярнуліся да Адміністрацыі прэзідэнта Джо Байдэна з заклікам даць Украіне ўсё неабходнае для ваеннай перамогі над Расіяй.
Аўтары петыцыі адзначаюць, што цяперашняя адміністрацыя ЗША выдае Украіне ўзбраенняў у межах, дастатковых для стварэння патавай сітуацыі, але гэтага не стае для вяртання тэрыторый, захопленых Расіяй.
Па выразе аўтараў ліста, такім чынам Белы дом, магчыма, «вырывае паражэнне з лап перамогі».
Каментары
Победа Украины означает конец доминирования «старой Европы». Ось влияния неминуемо сместится на Польшу, Великобританию, Балтию, Украину, оставив на задворках Германию и Францию со всеми их сателлитами. Значительно может уменьшится и влияние США. По этому цель Запада не победа и прекращение войны, а заморозка конфликта. По аналогии с израильско—палестинским. Некий тлеющий костёр, который иногда возгорается, но потом затухает.
В этом случае с России снимут все санкции и Запад сможет спокойно заниматься демагогией о сохранении климата высасывая углеводороды из РФ. Украина, со свей разрушенной инфраструктурой становится отличным полигоном для отмывания денег для всех западных коррупционеров. Погибшие и обездоленные в благом деле войны за мир во всем мире никогда не учитывались.