Праўладны тэлеграм-канал апублікаваў відэа з затрыманым мінчуком, які нібыта запусціў салют у гонар гадавіны сфальсіфікаваных выбараў 9 жніўня, паведамляе «Вясна».
Аўтары сюжэту сцвярджаюць, што мінчука клічуць Дзяніс Раманчук і што разам з ім затрымалі ягоную жонку. На «пакаяльным» відэа Раманчук кажа, што 9 жніўня ў 23.34 запусціў салют на вуліцы Шугаева ў Мінску. Гэта здымала яго жонка, а кадры пара нібыта прапанавала апублікаваць некалькім тэлеграм-каналам.
Гэта не першы выпадак затрымання з-за салютаў — за феерверк у навагоднюю ноч былі затрыманыя жыхары сталіцы Алена і Мікалай Гаеўскія. Вынікам стаў арышт Мікалая на 15 сутак, а Алены — на 13 сутак.
-
Яна прыняла іслам, а ён палюбіў дранікі. У Магілёве пабраліся шлюбам беларуска і пакістанец
-
У Гомелі жанчыну выселілі з інтэрната проста на вуліцу. Яна маці двух дзяцей, але гэта ў залік не пайшло
-
Пайшоў у банкруцтва рэстаран, які належаў сям'і Зінгмана. Даўгоў больш чым на мільён даляраў, а маёмасці на 389 рублёў
Каментары