Справу «Атрадаў грамадзянскай самаабароны» перадалі ў Генпракуратуру для накіравання ў суд
Следчае упраўленне КДБ напрыканцы мінулага тыдня перадала ў Генеральную пракуратуру Рэспублікі Беларусь для накіравання ў суд крымінальную справу ў дачыненні да ўдзельнікаў арганізацыі «Атрады грамадзянскай самаабароны Беларусі» (АГСБ), створанай нібыта для ажыццяўлення тэрарыстычнай дзейнасці.
Год таму Аляксандр Лукашэнка паведаміў пра шэраг тэрактаў, якія нібыта прадухілілі беларускія сілавікі: маўляў, планавалася пакушэнне на Азаронка, дыверсія ў лясгасе і выбух на расійскім вайсковым вузле сувязі пад Вілейкай. Дзяржаўныя СМІ пазней паказалі кадры затрымання некаторых людзей, усе яны нібыта з чатаў так званых «Атрадаў грамадзянскай самаабароны».
Неўзабаве, 18 жніўня 2021 года, Вярхоўны суд прызнаў арганізацыю «Атрады грамадзянскай самаабароны Беларусі» тэрарыстычнай, а яе дзейнасць у Беларусі забароненай.
Усяго па справе АГСБ было затрымана больш за 10 чалавек. Некаторыя ўдзельнікі чатаў АГСБ паспелі з'ехаць з краіны.
У Генпракуратуру Беларусі перададзеныя справы па абвінавачанні Наталлі Мацвеевай, Вадзіма Гулевіча, Кірыла Ашурка, Аляксея Глотава, Дзмітрыя Сасноўскага.
У справе фігуруюць абвінавачанні па 8 артыкулах Крымінальнага кодэкса, сярод якіх і вельмі цяжкія, «тэрарыстычныя».
Многія лічаць, што «Атрады грамадзянскай самаабароны» — правакацыйны канал, ці кантраляваны спецслужбамі Беларусі ад пачатку, ці кантроль над ім быў у пэўны час перахоплены сілавікамі.
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары