Наступ на Херсоншчыне: адзін забіты і пяць параненых беларусаў у батальёне «Тэрор»
Як стала вядома «Нашай Ніве», ёсць страты ў беларускім батальёне «Тэрор», які раней быў часткай палка імя Кастуся Каліноўскага, але нядаўна ад яго адкалоўся. «Тэрораўцы» ўдзельнічаюць у наступленні на пазіцыі акупантаў. У адным з баёў батальён панёс страты, ёсць загінулы.
Як стала вядома «Нашай Ніве», машына з байцамі была падбітая мінай або снарадам — дакладнай інфармацыі няма, прадстаўнікі «Тэрору» нічога не каментуюць.
Кіроўца, беларус з пазыўным «Тэд», загінуў.
Астатнія пяць чалавек — меркавана, усе беларусы, атрымалі раненні, але ўсе яны жывыя, знаёмыя з імі байцы лічаць, што раненні лёгкія.
Батальёнам «Тэрор» кіруюць Радыён «Гена» Батулін і Алег «Вараг» Васільеў.
Нядаўна, пасля ўнутранага канфлікту Батуліна і Васільева з кіраўніцтвам палка Каліноўскага, батальён «Тэрор» адкалоўся ад палка і далучыўся да іншай часці УСУ, пакінуўшы за сабой назву «Тэрор».
Усяго на гэты момант у розных злучэннях на ўкраінскім баку загінулі 12 беларусаў. Паводле інфармацыі «Нашай Нівы», усяго ў беларускія злучэнні падалі дакументы каля 1600 беларусаў, некалькі соцень з іх былі прынятыя і ваююць.
Чытайце таксама: З-пад Лісічанска не вярнуліся шэсць беларусаў-каліноўцаў. Апошнім паведамленнем было: «На нас едзе танк. Адпрацаваў па ім»
Цяпер чытаюць
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 20261
Каментары