Nastup na Chiersonščynie: adzin zabity i piać paranienych biełarusaŭ u bataljonie «Teror»
Jak stała viadoma «Našaj Nivie», jość straty ŭ biełaruskim bataljonie «Teror», jaki raniej byŭ častkaj pałka imia Kastusia Kalinoŭskaha, ale niadaŭna ad jaho adkałoŭsia. «Teroraŭcy» ŭdzielničajuć u nastupleńni na pazicyi akupantaŭ. U adnym z bajoŭ bataljon panios straty, jość zahinuły.
Jak stała viadoma «Našaj Nivie», mašyna z bajcami była padbitaja minaj abo snaradam — dakładnaj infarmacyi niama, pradstaŭniki «Teroru» ničoha nie kamientujuć.
Kiroŭca, biełarus z pazyŭnym «Ted», zahinuŭ.
Astatnija piać čałaviek — mierkavana, usie biełarusy, atrymali ranieńni, ale ŭsie jany žyvyja, znajomyja ź imi bajcy ličać, što ranieńni lohkija.
Bataljonam «Teror» kirujuć Radyjon «Hiena» Batulin i Aleh «Varah» Vasiljeŭ.
Niadaŭna, paśla ŭnutranaha kanfliktu Batulina i Vasiljeva z kiraŭnictvam pałka Kalinoŭskaha, bataljon «Teror» adkałoŭsia ad pałka i dałučyŭsia da inšaj čaści USU, pakinuŭšy za saboj nazvu «Teror».
Usiaho na hety momant u roznych złučeńniach na ŭkrainskim baku zahinuli 12 biełarusaŭ. Pavodle infarmacyi «Našaj Nivy», usiaho ŭ biełaruskija złučeńni padali dakumienty kala 1600 biełarusaŭ, niekalki socień ź ich byli pryniatyja i vajujuć.
Čytajcie taksama: Z-pad Lisičanska nie viarnulisia šeść biełarusaŭ-kalinoŭcaŭ. Apošnim paviedamleńniem było: «Na nas jedzie tank. Adpracavaŭ pa im»
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku45
Kamientary