Вакцынацыя супраць грыпу ў Беларусі сёлета пачалася раней, чым летась.
Вакцынацыя супраць грыпу ў Беларусі сёлета пачалася раней, чым летась.
Платная пачалася 22 верасня, а з сярэдзіны кастрычніка бясплатна прышчэпяць школьнікаў, дашкольнікаў, а таксама работнікаў, якія забяспечваюць жыццядзейнасць горада — усяго больш за 80 тыс. чалавек.
Пачатак вакцынацыі ў Беларусі супаў з публікацыямі пра магчымую хвалю вірусу грыпу «Брысбен» з Аўстраліі. Гэты вірус выклікае вельмі высокую тэмпературу і агульную інтаксікацыю арганізма.
Варта адзначыць, што прэпараты, якія набываюцца нашай дзяржавай дзеля гэтых мэтаў, утрымліваюць штам вірусу «Брысбен». На эпідэміялагічны сезон 2009-2010 гг. у грыпозныя вакцыны экспертамі Сусветнай арганізацыі аховы здароўя вызначаныя штамы віруса А (А/Brisbane/2007/H1N1, A/Brisbane/2007/H3N2) і віруса В (B/Brisbane/2007), паведаміў галоўны доктар Рэспубліканскага цэнтру гігіены, эпідэміялогіі і грамадскага здароўя В.Грынь. У Беларусі будуць выкарыстоўвацца вакцыны, якія ўтрымліваюць рэкамендаваныя САЗ штамы вірусу: «Інфлювак» (краіна-вытворца Бельгія), «Ваксігрып» (Францыя), «Грыпол плюс» (Расія), «Флюарыкс» (Германія). Верагоднасць прыходу «Брысбена» высокая, кажуць у Міністэрстве аховы здароўя.
У мінскіх медцэнтрах цэны на вакцыны знаходзяцца ў межах 50-60 тыс. рублёў. Аднак памятайце, што дзеці, хранічна хворыя і іншыя ўразлівыя групы маюць права на бясплатную вакцынацыю.
Каментары