У Мінскім гарадскім судзе 22 верасня пачаўся разгляд крымінальнай справы Таццяны Колас, якую абвінавачваюць у тым, што нібыта яна перадала асабістыя даныя тэлеграм-каналу «Чорная кніга Беларусі».
Агулам Таццяну абвінавачваюць па чатырох артыкулах Крымінальнага кодэкса:
— ч. 3 арт. 203-1 — незаконныя дзеянні ў дачыненні да інфармацыі аб прыватным жыцці і персанальных даных;
— ч. 3 арт. 130 — распальванне расавай, нацыянальнай, рэлігійнай альбо іншай сацыяльнай варожасці;
— ч. 3 арт. 352 — неправамернае завалоданне камп'ютарнай інфармацыяй;
— ч. 3 арт. 426 — перавышэнне ўлады або службовых паўнамоцтваў.
Судовы працэс вядзе суддзя Алена Шылько.
27 чэрвеня праўладныя тэлеграм-каналы паведамілі, што жанчына працавала ў адной з дзяржаўных кампаній і мела доступ да асабістых даных сілавікоў — іх яна, быццам, і перадала тэлеграм-каналу «Чорная кніга Беларусі».
Сілавікі сцвярджаюць, што жанчына нібыта самастойна прыйшла «здавацца» ў міліцыю.
Цяпер чытаюць
«Муж забраў у закладнікі маіх котак». Дызайнерка Вольга Кардаш — пра развод з мужам, уласную краму і самага стылёвага беларуса5
Каментары