Шыльда новая, а цана старая. Бензін АІ-98 увадначас падаражаў ажно на 8 капеек, але ёсць нюансы
Выданне NewGrodno.by звярнула ўвагу на тое, што на ўсіх АЗС, дзе рэалізуюць «дзевяноста восьмы» бензін, з 21 верасня змяніліся цэннікі. Падаражаў, праўда, толькі адзін від бензіну — АІ-98, але затое адразу на 8 капеек. З чым гэта звязана?
Цікавы нюанс пры гэтым, што хоць цана за літр бензіну склала 2.68, а пару дзён таму кіроўцы плацілі па 2.60, пры запраўцы аўтамабіля на табло калонкі выскоквае «старая» цана. Аператар АЗС патлумачыў гэты парадокс так:
«Сапраўды, з 21 верасня гэты від паліва падаражэў. Але пры аплаце за наяўныя або па банкаўскай карце прадастаўляецца зніжка ў памеры 8 капеек за літр АІ-98».
Як доўга захаваецца такая зніжка, на запраўцы патлумачыць не змаглі. У той жа час пры запраўцы па паліўнай картцы, так званай «таблетцы», зніжкі на гэты від паліва няма. І колькі пратрымаецца пры аплаце наяўнымі ці банкаўскай карткай, таксама ніхто інфармацыі не дае.
У чым прычына падаражэння менавіта АІ-98, не паведамляецца, а іншыя віды бензіну пакуль каштуюць столькі ж, як і раней.
Цана на паліва ў Беларусі не мяняецца з 28 чэрвеня, а да гэтага з сакавіка практычна кожны аўторак бензін і «дызель» абавязкова даражэлі на 2 капейкі.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца6
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1212
Каментары