Столтэнберг: Для прыняцця Украіны ў НАТА трэба рашэнне ўсіх 30 яго членаў
Генеральны сакратар НАТА заявіў, што рашэнне пра сяброўства той ці іншай краіны ў НАТА будуць прымаць усе 30 яго членаў, а не сама арганізацыя ў цэлым.
«Кожная дэмакратычная краіна ў Еўропе мае такое права — падаваць на членства. І мы паважаем гэтае права. Мы зноў і зноў гаворым, што НАТА застаецца адкрытым. І мы гэта за апошнія гады паказвалі.
Саюзнікі НАТА сустрэліся ў Мадрыдзе, і тады таксама было зроблена дакладная заява, што мы падтрымліваем права Украіны выбіраць свой шлях і вырашаць, у якія абаронныя альянсы ўступаць.
Вядома, рашэнне аб гэтым членстве павінна прымацца усімі 30 членамі. Гэта кансэнсуснае рашэнне. Цяпер мы сканцэнтраваныя на тым, каб аказваць такую непасрэдную падтрымку Украіне, дапамагаць Украіне абараняцца ад расійскага ўварвання», — сказаў Столтэнберг.
Ён афіцыйна заявіў, што НАТА не прызнае ўваходжанне чатырох суб'ектаў у склад Расіі, а таксама адзначыў, што Расію чакаюць «сур'ёзныя наступствы», калі яна скарыстае ядзерную зброю.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома7
Каментары
Чаго вас здзіўляе? Статут НАТА - гэта не лукашэнкаўская канстытуцыя. Там апісаны працэс прыняцце новых чальцоў, які мусіць быць зацверджаны ўсімі краінамі аднагалосна. Фінляндыю са Швецыяй так прымалі, якім чынам прыём Украіны можа быць па-іншаму?
НАТА патрэбны буфер паміж ёй і расеяй - гэта Украіна. расеі патрэбны буфер паміж ёй і НАТА - гэта мы
мы жывем у трагічныя для нас і Украіны часы