Грамадства44

У Латвіі знайшлі першы ў краіне тунэль для нелегальных мігрантаў з Беларусі

Раней некалькі такіх тунэляў было выяўлена ў Літве.

Ілюстрацыйнае фота

Сёння ў Латвіі пачалася аперацыя Vilkatis («Пярэварацень»), у межах якой усе адпаведныя службы будуць праводзіць скаардынаваныя дзеянні для абмежавання нелегальнай міграцыі, паведаміў сёння журналістам прэм’ер-міністр Андрыс Кулбергс, піша Delfi.lv

Мінулую ноч непадалёк ад закрытага пункта пропуску ў мястэчку Сілене быў выяўлены падземны тунэль, праз які перапраўлялі нелегальных мігрантаў. Пункт пропуску «Сілене» (з беларускага боку — «Урбаны») быў закрыты восенню 2023 года.

Maps.google.com

На мінулым тыдні стала вядома, што ў Літве былі выяўленыя некалькі падобных тунэляў.

«Калі паспрабавалі дакладней вызначыць, якім чынам яны трапілі ў нашу краіну, быў выяўлены гэты схаваны тунэль, які пакуль з’яўляецца першым тунэлем такога роду ў Латвіі», — сказаў міністр унутраных спраў Латвіі Яніс Домбрава.

Міністр адзначыў, што будзе праведзеная ацэнка неабходных прэвентыўных мер, якія можна было б прыняць.

Прэм’ер Кулбергс падкрэсліў, што Расія выкарыстоўвае Беларусь для гібрыдных атак, а арганізацыя патокаў нелегальнай міграцыі праз беларуска-латвійскую мяжу — адна з формаў такой гібрыднай вайны.

Кулбергс сказаў, што менавіта таму ўздоўж усёй мяжы тэрмінова была ўсталяваная агароджа. Аднак элементы тэхнічнага абсталявання мяжы яшчэ не цалкам сінхранізаваныя — гэтыя работы неабходна завяршыць да канца года.

Прэм’ер-міністр падкрэсліў, што перапраўка нелегальных мігрантаў у Латвію — гэта таксама бізнэс і вынік дзейнасці арганізаваных злачынных груп, звязаных з Расіяй.

Каментары4

  • Імя па бацьку
    11.08.2026
    "непадалёк ад закрытага пункта пропуску ў мястэчку Сілене быў выяўлены падземны тунэль, праз які перапраўлялі нелегальных мігрантаў."
    Вунь яно як аказваецца працуе!? Пункт пропуску закрылі, а мігранты заразы такія праз тунэлі лезуць. Пачакайце, а яны ж і да закрыцця мяжы праз пункт пропуску не лезлі?
  • Кол
    11.08.2026
    У вёсцы Сілэнэ! Дык нічога сабе тунэльчык атрымаўся, ад мяжы да той вёскі дыбáць ды дыбáць. Цягнулі б ужо да Рыгі той тунэль, чаго ўжо там...
  • Логіка, спецыяльна для ябацек
    11.08.2026
    Імя па бацьку, А закрылі ў тым ліку і таму, што лезлі. І пакуль лезуць, у тым ліку таму, і не адкрыюць.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу12

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва62

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць