Брытанскія спецслужбы: Рашэнні Пуціна аказаліся памылковымі. Расійскія войскі знясіленыя, а боепрыпасы заканчваюцца
Украіна пераламіла ход вайны і супрацьстаіць расійскім войскам, якія знаходзяцца ў знясіленым стане, гаворыцца ў заяве кіраўніка Цэнтра ўрадавай сувязі Вялікабрытаніі (GCHQ) Джэрэмі Флемінга, якую ён зробіць у аўторак.
Вытрымкі з будучай прамовы кіраўніка спецслужбы журналісты BBC атрымалі ўвечары ў панядзелак.
Як лічаць у GCHQ, нягледзячы на масіраваныя ракетныя абстрэлы ўкраінскай тэрыторыі, якія адбыліся напярэдадні, боепрыпасы ў расійскіх ваенных заканчваюцца, а рашэнні прэзідэнта Расіі Уладзіміра Пуціна аказаліся памылковымі.
Выдаткі Расіі на вайну ва Украіне ў плане людзей і тэхнікі — ашаламляльныя, усе поспехі расійскіх войскаў у першыя месяцы вайны цяпер зведзеныя на нішто, гаворыцца ў заяве Флемінга.
«Мы ведаем — і расійскія камандзіры на месцах ведаюць — што іх запасы і боепрыпасы заканчваюцца, — заявіць кіраўнік GCHQ. — Ва ўмовах адсутнасці эфектыўнага ўнутранага супрацьдзеяння рашэнні Уладзіміра Пуціна аказаліся памылковымі.
Гэта стратэгія высокіх ставак, якая прыводзіць да стратэгічных памылак у меркаваннях».
Тое, як моцна Пуцін памыліўся ў ацэнцы сітуацыі, бачаць і расійскія грамадзяне, лічаць у спецслужбе.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго3
Каментары