Якія гарады і мястэчкі могуць быць у небяспецы, калі здарыцца падрыў на Кахоўскай ГЭС
Украіна абвінавачвае Расію ў планах падарваць дамбу Кахоўскай ГЭС. Такім чынам расійская армія магла б прыкрыць адыход войскаў і паражэнне на Херсонскім кірунку. Калі гэта адбудзецца, дзясяткі тысяч людзей апынуцца ў зоне затаплення. Bild апублікаваў карту населеных пунктаў, якім можа пагражаць небяспека ў выпадку падрыву дамбы.
Затапіць можа больш за 80 гарадоў і мястэчак.
«Мінаванне дамбы ў якасці зброі вайны — гэта жудасная пагроза масавых забойстваў. Тое, што Расія робіць там на Дняпры, — гэта метад, які «Ісламская дзяржава» ўжо выкарыстоўвала на Еўфраце», — прыводзіць Bild словы лідара нямецкай партыі «зялёных» Аміда Нурыпура.
Кахоўская ГЭС — шостая (ніжняя і апошняя) прыступка каскаду дняпроўскіх гідраэлектрастанцый. Яна размешчаная за 5 км ад горада Новая Кахоўка Херсонскай вобласці. На дадзены момант гэтая тэрыторыя акупаваная расійскімі войскамі.
Днямі прэзідэнт Украіны Уладзімір Зяленскі казаў, што дамба і агрэгаты Кахоўскай ГЭС замінаваныя расійскімі войскамі.
-
Ва Украіне затрымалі агента ГРУ, які быў камандзірам аднаго з падраздзяленняў УСУ
-
У Расіі мужчына, які выдаваў сябе за ўдзельніка «СВА» і спрабаваў утапіць дзяўчыну праз сінія валасы, пайшоў з турмы на вайну і загінуў
-
«Трупы, трупы, трупы нашых. Пад поўным кантролем дронаў». Дзённік расійскага штурмавіка, які ацалеў пад Ваўчанскам
Амерыканка расказала, як выкладала ва ўніверсітэце ў Віцебску і нават дала пару ўрокаў міліцыі3
Каментары