Заўтра адбудуцца судзілішчы над журналістам Аляксандрам Любенчуком і валанцёрам Іллём Міронавым
У Мінску будуць судзіць Аляксандра Любенчука, а ў Гомелі — Ілью Міронава.
Суд над палітзняволеным журналістам Аляксандрам Любенчуком пачнецца 24 кастрычніка. Пра гэта паведамляе @belsat.
Пасяджэнне будзе адкрытым і адбудзецца ў Мінскім гарадскім судзе. Пачатак а 10:30.
Аляксандра затрымалі ва ўласным доме ў вёсцы Крывічы 26 мая гэтага года. Яго абвінавацілі ў «стварэнні экстрэмісцкага фармаваньня ці ўдзеле ў ім».
У сваю чаргу, Валянціна Міронава, мама палітзняволенага жыхара Гомеля Ільі Міронава паведаміла ў сябе ў сацыяльных сетках, што заўтра пачнуць судзіць і яго.
«Сябры! Суд над Іллём адбудзецца заўтра а 10:00 ў судзе Савецкага раёна Гомеля. Ён будзе рады вас бачыць».
Ілья Міронаў — гэта той чалавек, які напісаў 2500 лістоў палітзняволеным. Яго самога лукашысты арыштавалі за выказванне з нагода забойства айцішніка Андрэя Зельцэра.
Чытайце таксама: «Баюся, магу не датрываць да суда»: зняволены валанцёр Міронаў, што адправіў 2500 лістоў палітвязням, даслаў ліст адчаю
-
Вызваліўся адзін з пачынальнікаў беларускамоўнага ЖЖ Іван Марозаў — гэта быў яго другі палітычны тэрмін
-
Рэкорднымі тэмпамі ідзе збор на ўкол для Ксюшы з магілёўскага дзетдома, ад якой адмовілася мама — яшчэ плюс $190 тысяч за дзень
-
Слонімская бальніца выбачылася за машыну хуткай дапамогі, што прыехала на выклік да інваліда
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?28
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары