«Расейцы часта абвінавачваюць іншых у тым, што плануюць самі». Украінскія ўлады адрэагавалі на словы Шайгу пра «брудную бомбу»
Міністр абароны Расіі Сяргей Шайгу сёння правёў размовы са сваімі французскім, турэцкім і брытанскім калегамі і, як вынікае з афіцыйных паведамленняў, давёў «свае заклапочанасці з нагоды магчымых правакацый з боку Украіны з выкарыстаннем «бруднай бомбы». Улады Украіны пракаментавалі гэтую легенду крамлёўскай прапаганды.
«Хлусня Расіі пра нібыта планы Украіны ўжыць «брудную бомбу» настолькі абсурдная, наколькі небяспечная. Па-першае, Украіна з'яўляецца адказным бокам Дамовы аб нераспаўсюджванні ядзернай зброі: мы не маем ніякіх «брудных бомбаў» і не плануем іх мець. Па-другое, расейцы часта абвінавачваюць іншых у тым, што плануюць самі», — напісаў міністр замежных спраў Украіны Дзмітрый Кулеба ў твітары.
У вечаровым звароце з гэтай нагоды выказаўся і Уладзімір Зяленскі.
«Калі сёння расійскі міністр абароны ладзіць тэлефонную карусель і абзвоньвае замежных міністраў з аповедамі пра так званую «брудную» ядзерную бомбу, усе ўсё добра разумеюць. Разумеюць, хто з'яўляецца крыніцай ўсяго бруднага, што можна толькі ўявіць у гэтай вайне», — выказаўся ён.
«Калі хтосьці і можа ўжыць ядзерную зброю ў нашай частцы Еўропы, то гэта толькі адзін суб'ект — і гэты суб'ект якраз і загадаў таварышу Шайгу кудысьці там тэлефанаваць, — дадаў Зяленскі.
Лічу, што цяпер свет павінен максімальна строга адрэагаваць. Калі Расія падрыхтавала чарговае ўзняцце ставак і чарговы эскалацыйны крок — яна ўжо цяпер, прэвентыўна і да любога новага свайго «бруду», павінна ўбачыць, што свет гэта не праглыне».
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага28
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА55
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА5
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары