Тарт з кукурузнымі шматкамі — арыгінальнае выкарыстанне звыклага прадукту

Каб згатаваць тарт з кукурузнымі шматкамі, вам спатрэбіцца:

• 190 грамаў мукі + дадатковая мука для пасыпання
• 150 грамаў астуджанага масла
• 1 сталовая лыжка цукру
• дробка солі
• 1 сталовая лыжка малака
• 120 грамаў натуральнага ці штучнага мёду, залатога сіропу ці іншага сіропу
• 130 грамаў кукурузных шматкоў
• 75 грамаў клубнічнага ці малінавага варэння
• вяршкі ці заварны крэм для падачы

1. Парэжце 90 грамаў масла кубікамі. Змяшайце парэзанае масла, муку, соль і цукар у кухонным камбайне ці міксеры і ўзбівайце, пакуль сумесь не стане аднароднай і падобнай да паніровачных сухароў. Уліце малако і ўзбівайце, пакуль цеста не пачне збірацца ў адну масу. Выкладзіце цеста на працоўную паверхню, збярыце яго ў шар і прыцісніце, каб атрымаўся дыск. Загарніце ў харчовую плёнку і пакладзіце ў халадзільнік на 30 хвілін.
2. Разгарніце цеста і раскачайце яго на трохі прысыпанай мукой паверхні да дыяметра прыкладна 32 сантыметры. Адначасова прысыпайце цеста мукой, каб яно не прыліпала да працоўнай паверхні. Яшчэ трохі прысыпце цеста мукой і раскачайце яго на качалцы, потым перакладзіце цеста ў форму для тартаў дыяметрам 24 сантыметры са здымным дном. Акуратна прыцісніце цеста да формы і пакіньце любыя рэшткі цеста, якія ў яе не змясціліся. Астудзіце форму з цестам і разагрэйце духоўку да 200 градусаў.
3. Калі духоўка разагрэлася, дастаньце цеста з халадзільніка. Вазьміце вялікі квадратны кавалак паперы для выпякання, скамячце яго ў шар, потым распраўце і пасцяліце яго наверх цеста. Насыпце на паперу фасолю, каб цеста не ўзнялося, і выпякайце цеста 15 хвілін, потым прыбярыце з формы фасолю і паперу. Пастаўце аснову для тарта ў духоўку яшчэ на 5—10 хвілін, пакуль дно пірага не стане трохі залацістым, а верх бакоў — румяным. Пакуль аснова яшчэ гарачая, вазьміце востры нож і абрэжце тое цеста, што не змясцілася ў форму.
4. Парэжце на кавалкі 60 грамаў масла. Змяшайце ў каструлі масла, залаты сіроп ці мёд і соль, разагравайце сумесь на сярэднім агні, пакуль масла не растане. Дазвольце сумесі пакіпець 1 хвіліну, потым здыміце з агню. Дадайце ў гарачы сіроп шматкі, сачыце за тым, каб яны не збіваліся ў камякі. Перамяшайце, каб усе шматкі былі пакрытыя сіропам. Выкладзіце варэнне на аснову для тарта, потым размяркуйце паверх яго слой са шматкоў. Трохі прыцісніце, каб начынне было роўнае.
5. Зменшыце тэмпературу ў духоўцы да 180 градусаў і выпякайце тарт яшчэ 5—10 хвілін, пакуль ён не падпячэцца. Астудзіце, нарэжце і падавайце з вяршкамі ці з заварным крэмам.

Чытайце таксама:

Рэцэпт на выхадныя. Традыцыйны англійскі пірог старгейзі — страва, якой вы дакладна здзівіце

Чатыры спосабы зрабіць сваю каву больш карыснай

Рэцэпт на выхадныя. Пудынг Евы — 200-гадовая брытанская страва

• 3
• 0
• 0
• 1
• 0
• 0
• 1
• 0