Валгаград затапіла дзярмом пасля прарыву каналізацыі — затапіла ў літаральным сэнсе ФОТЫ
Валгаград сутыкнуўся з адной з самых маштабных за апошняе дзесяцігоддзе тэхнагенных аварый. У горадзе прарвала найбуйнейшы каналізацыйны калектар, і 200 тысяч чалавек на чатыры дні засталіся без вады і прыбіральні, а сцёкі пацяклі ў Волгу.
Ноччу 28 кастрычніка ў Валгаградзе абрынуўся звод бетоннага канала для каналізацыйнага калектара. З-за прарыву пракладзенай 50 гадоў таму трубы дыяметрам 1200 міліметраў былі затопленыя велізарны парк ля музея «Расія — мая гісторыя», дзіцячая чыгунка, Нулявая магістраль. Потым масы паліліся ў Волгу.
Паводле адной з версій, пра якую паведамляе мясцовае выданне V1, падчас будаўніцтва сквера імя Аляксандры Пахмутавай у былой пойме ракі былі пашкоджаныя пласты зямлі і карані дрэў, якія ўтрымлівалі глебу. Увечары 27 кастрычніка дождж размыў пагорак, утварылася яма дыяметрам каля 20 метраў, а потым абрынуўся звод калектара.
У выніку без вады засталіся некалькі раёнаў Валгаграда, у якіх жыве каля 200 тысяч чалавек. Рамонтныя працы працягваюцца чацвёрты дзень.
«Валгаград сутыкнуўся з адной з самых маштабных за апошняе дзесяцігоддзе тэхнагенных аварый. Сур'ёзныя складанасці стварае адсутнасць праектна-каштарыснай дакументацыі на калектар, які быў пабудаваны паўстагоддзя таму, дакументы не адпавядаюць рэчаіснасці. Высветлілася, што замест бетоннага калектара сцёкі ішлі па металічнай трубе, якая не прызначаная для такіх мэтаў. За доўгія гады яна ператварылася ў труху і разбурылася пры зруху размоклага ад дажджоў грунту», — заявіў губернатар Валгаградскай вобласці Андрэй Бачараў.
31 кастрычніка пракуратура распачала дзве крымінальныя справы: аб неналежным выкананні работ і небяспечных паслугах (ч. 1 арт. 238 КК РФ) і аб забруджванні Волгі сцёкавымі водамі (ч. 1 арт. 250 КК РФ).
Цяпер чытаюць
Бяспалаў намаляваў людзей са сцягамі ў цэнтры Мінска і адправіў фота ў міліцыю. З’ехаліся тры машыны з мігалкамі43
Каментары
«Издалека дооолго
Течёт г*но в Волгу
Течёт г*но в Волгу
Конца и края нееет»