Сусветная баксёрская рада выключыла беларускіх і расійскіх спартсменаў з рэйтынгаў арганізацыі
Маўрысіё Сулейман, прэзідэнт Сусветнай баксёрскай рады (WBC) — найбольш прэстыжнай міжнароднай арганізацыі, якая гуртуе прафесійных баксёраў, — паведаміў аб неадкладным выключэнні расійскіх і беларускіх спартсменаў з рэйтынгаў арганізацыі. У той жа час усе ўкраінскія баксёры, у якіх няма магчымасці выступаць, застаюцца на тых пазіцыях, на якіх яны знаходзяцца цяпер, піша Tribuna.com.
«Усіх баксёраў з Расіі і Беларусі прыбралі з рэйтынгаў WBC. Арганізацыя не будзе санкцыянаваць баі ў гэтых дзвюх краінах. Ніводзін з іх грамадзян не зможа біцца за тытул чэмпіёна WBC.
Хачу выказаць глыбокае шкадаванне ў дачыненні да нашых спартсменаў, прамоўтараў, прадстаўнікоў баксёрскай індустрыі з Расіі і Беларусі, якія пацерпяць ад такіх наступстваў дзеянняў па-за рынгам», — сказаў Сулейман.
Цяпер чытаюць
«Я супрацоўніца КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку10
Каментары