Супрацоўніка «Мінгаза» асудзілі да трох гадоў «хатняй хіміі» за ўдзел у маршы
У судзе Савецкага раёна Мінска вынесены прысуд слесару «Мінгаза» Дзмітрыю Латушкіну. Суддзя Вольга Емельянчанка прызначыла яму тры гады абмежавання волі без накіравання ў ПУАТ — «хатняй хіміі» — за ўдзел у мірнай акцыі пратэсту ў 2020 годзе, паведамляе «Вясна».
Яна прызнала Дзмітрыя вінаватым паводле арт. 342 КК («Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх»). Мужчыну вызвалілі ў зале суда.
Дзмітрый Латушкін прызнаў віну. Ён пацвердзіў, што ў дзень маршу знаходзіўся і на праезнай частцы і разумеў, што мерапрыемства незаконнае. Доказамі ягонага ўдзелу ў акцыі прызнаныя фотаздымак і відэазапіс.
«Мінсктранс» таксама прад’явіў пазоў на кампенсацыю шкоды ў памеры 22 500 рублёў. Латушкін прызнаў яго, але ўдакладніў, што сума занадта вялікая. Ён будзе разгледжаны падчас асобнай грамадзянскай вытворчасці.
Вядома, што Дзмітрыя затрымалі 10 жніўня 2022 года.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары