У Барадзянку прыязджаў Бэнксі. Зорка брытанскага вулічнага мастацтва пакінуў там сваё графіці і апублікаваў фота з ім на сваёй афіцыйнай старонцы ў Instagram.
На сцяне знішчанага вайной дома ён намаляваў дзяўчыну-гімнастку, што стаіць на руках дагары нагамі, быццам абапіраючыся на руіны. Мастаку давялося працаваць сярод разбуранага выбухам бетону і арматуры.
Падпісаў фота вельмі лаканічна: «Барадзянка, Украіна». Быццам разумеў — яго фанаты чакаюць пацверджання, што ён быў у гэтым украінскім горадзе, зруйнаваным вайной.
Спрэчкі пра тое, ці Бэнксі прыехаў ва Украіну, вяліся некалькі дзён таму, калі на Майдане Незалежнасці ў Кіеве з'явілася графіці на бетонных блоках — двое дзяцей быццам на арэлях качаюцца на абаронным металічным вожыку, піша «Украінская праўда».
Потым было фота з Барадзянкі, на ўнутранай сцяне разбуранага дома маленькі хлопчык кідае на спіну мужчыну ў кімано з чорным поясам. Фота абнародаваў фатограф Эд Рам.
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў33
Каментары