На вайне ва Украіне загінуў грамадзянін Замбіі, які сядзеў у расійскай турме
Міністэрства замежных спраў Замбіі заявіла, што на вайне ва Украіне загінуў грамадзянін гэтай краіны, які раней адбываў турэмны тэрмін у адной з турмаў на ўскраінах Масквы. Па звестках кіраўніка замбійскага знешнепалітычнага ведамства, 23-гадовы студэнт Лемехані Натан Ньірэнда загінуў «на полі бою» ва Украіне 22 верасня, піша Бі-бі-сі.
Цела афрыканца знаходзіцца ў Растове і неўзабаве будзе адпраўлена ў Замбію. Копію заявы кіраўніка МЗС Замбіі Стэнлі Какубы апублікаваў у сваім твітары журналіст Саміра Саўлані.
МЗС Замбіі не ўдакладняе, за якія менавіта злачынствы грамадзянін гэтай краіны быў асуджаны, але паведамляе, што ў красавіку 2020 года ён атрымаў 9,5 гадоў зняволення.
Да гэтага Ньірэнда вывучаў праектаванне ядзерных установак у Маскоўскім інжынерна-фізічным інстытуце (МІФІ).
«У сувязі з гэтым вельмі сумным развіццём падзей урад Замбіі запатрабаваў ад расійскіх уладаў тэрмінова даць інфармацыю пра абставіны, пры якіх замбійскі грамадзянін, які адбываў турэмны тэрмін у Маскве, мог быць завербаваны на вайну ва Украіне і пасля гэтага загінуў», — сказана ў заяве Какубы.
Можна меркаваць, што замбійскі грамадзянін быў адным са зняволеных, завербаваных у расійскіх калоніях стваральнікам ПВК «Вагнер» Яўгенам Прыгожыным.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе22
Каментары