Грамадства

Мінчука асудзілі за каментары на «хатнюю хімію». І ён павінен выплаціць больш за 10 000 рублёў

У судзе Цэнтральнага раёна Мінска агучылі прысуд 41-гадоваму Андрэю Касцюкевічу. Бок дзяржабвінавачання падтрымаў пракурор Цімафей Нічыпарук, паведамляе «Вясна».

Суддзя Вікторыя Шабуня прызнала мінчука вінаватым паводле арт. 369 Крымінальнага кодэкса («Абраза прадстаўніка ўлады») за некалькі каментароў і асудзіла да 2,5 гадоў абмежавання волі без накіравання ў ПУАТ — «хатняй хіміі». Аднак разам з тым мужчына мусіць выплаціць пяці пацярпелым 9500 рублёў. Таксама — аплаціць дзяржпошліну ў памеры 576 рублёў.

У Андрэя двое дзяцей. Да суда ён знаходзіўся на волі, мужчына быў затрыманы з 5 па 7 ліпеня 2022 года.

Касцюкевіча прызналі вінаватым у тым, што цягам кастрычніка-снежня 2020-га і ў студзені 2021 года ён пакінуў некалькі каментароў у бок службовых асобаў, якія тыя расцанілі як абразу. Ён пакідаў каментары ў суполках «Чат группы Каратели», «Лухтовикинги», «Чат Элехтарата», «Tribuna.com Chat» пад запісамі са звесткамі пацярпелых.

Пацярпелымі па справе праходзілі дзевяць чалавек.

Згодна з рашэннем суда, абвінавачаны мусіць кампенсаваць маральную шкоду ўсім у вызначаным памерах. Міліцыянту АМАП Савенку ён мусіць выплаціць 1000 рублёў, салдату вайсковай часці 3032 МУС Краўчанку — 1500 рублёў, першаму намесніку міністра МУС, начальніку крымінальнай міліцыі Казакевічу — 2000 рублёў, інспектару па справах непаўналетніх у Беразіне Саханчуку — 2000 рублёў, намесніцы аддзела тылавога забяспечання «Турмы №8» Вішнеўскай — 1000 рублёў, супрацоўніку Маладзечанскага АУС Пузырову — 2000 рублёў. Курсант Ваеннай акадэміі Стаднік, інспектар па справе непаўналетніх у Маладзечне Вайтко, міліцыянт АМАП Скаражонак не выстаўлялі пазовы аб кампенсацыі маральнай шкоды.

Касцюкевіч цалкам прызнаў віну і распавёў, што дзейнічаў эмацыйна і неабдумана пад уплывам сацсетак. Таксама ён падкрэсліў, што не меў пэўных мэтаў. Усе пацярпелыя былі ўпэўненыя, што каментары зневажаюць іх гонар і годнасць, а таксама падрываюць сярод асобаў, якія прачытаюць каментары, іхні асабісты аўтарытэт і аўтарытэт органаў унутраных спраў агулам.

Кожны каментар прайшоў экспертызу, якую правяла дзяржаўная спецыялістка Д. Талалаева. Згодна з яе высновамі, у каментарах ёсць «ненарматыўныя формы моўнага выказвання».

Каментары

Цяпер чытаюць

Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў3

Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў

Усе навіны →
Усе навіны

«Мы ганарымся сынам». Блізкія загінулага добраахвотніка Аляксея Аўдзея расказваюць пра яго9

«Сказалі, што людзі з візамі тыпу C не змогуць перасячы мяжу». На літоўскіх прапускных пунктах здарыўся калапс8

Лукашэнка: Мінскі раён — гэта прыбіральня горада-героя Мінска5

«Родненькі!» Рэдкі чорны бусел усё ж такі вярнуўся на Клеччыну — спазніўся на месяц1

Пятрухін не здаецца: хоча, каб КР заслухала 17-гадовага «стартапера». Але без яго бацькоў гэтага рабіць нельга18

Што апранаць у самалёт, а што — ні ў якім разе: парады сцюардэсы5

«Рак проста здараецца. Ніхто ў ім не вінаваты»23

Навукоўцы Акадэміі навук назвалі справядлівую цану на беларускую бульбу9

У В'етнаме каралеву прыгажосці арыштавалі за падман з цукеркамі

больш чытаных навін
больш лайканых навін

Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў3

Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў

Галоўнае
Усе навіны →

Заўвага:

 

 

 

 

Закрыць Паведаміць