Telegram стварыў аўкцыён кароткіх даменаў. Паглядзелі, за колькі прадаюць беларускія
Нядаўна Telegram запусціў магчымасць купляць і прадаваць кароткія і пазнавальныя імёны карыстальнікаў для асабістых акаўнтаў, публічных груп і каналаў. Аўкцыён на найлепшыя імёны карыстальнікаў праходзіць у прамым эфіры на fragment.com.
«Наша Ніва» праааналізвала спісы імёнаў з аўкцыёну і знайшла там некалькі беларускіх. За колькі іх прадаюць?
Здаецца, аднымі з самых дарагіх даменаў у беларускім сегменце сталі тры — @falconclub, @bsuir і @minsk. Першы пастаўлены на аўкцыён са стартавай цаной 494 даляры, другі прадаецца за 450, а трэці каштуе каля 369. Пакуль аўкцыён не завершаны.
Акрамя таго, прапануюцца кароткія юзернэймы для барахолак розных рэгіянальных гарадоў Беларусі — такія звычайна каштуюць у раёне 15 даляраў.
Увогуле на куплю-продаж выстаўлена шмат кароткіх імёнаў, самымі папулярнымі з якіх з’яўляюцца сусветныя брэнды кшталту @amazon (дамен прададзены больш як за 438 тысяч даляраў), @dior, @armani (іх купілі за больш як 192 тысячы даляраў кожны) і іншыя. Таксама попытам карыстаюцца простыя ўніверсальныя назвы — @auto, @bank, @girl і іншыя. Вельмі шмат сустракаецца абазначэнняў казіно, спартовых ставак і продажу крыптавалют.
Самым дарагім юзернэймам, які зараз выстаўлены на аўкцыёне, з'яўляецца дамен @news (сума перавышае 1 мільён і 200 тысяч даляраў), а з прададзеных — @auto (таксама больш як мільён даляраў).
Афіцыйны канал месенджара адзначае, што права ўласнасці на гэтыя калекцыйныя імёны карыстальнікаў замацавана ў нязменнай кнізе TON хуткай і маштабаванай сеткі блокчэйн. Уладальнікі могуць дадаць некалькі псеўданімаў у асабісты ўліковы запіс, групу або канал.
«Упершыню ў гісторыі сацыяльных сетак людзі цалкам валодаюць сваімі імёнамі карыстальнікаў. Даўнія карыстальнікі Telegram, якія выкарыстоўвалі кароткія імёны, што яны зарэгістравалі на ранняй стадыі, цяпер могуць атрымаць выгаду з росту платформы, прадаючы свае юзернэймы на сумленных, празрыстых, цалкам дэцэнтралізаваных аўкцыёнах», — адзначылі ў кампаніі.
-
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў
-
Фальсіфікацыі ў даследаваннях хваробы Альцгеймера. Як вынікі прывялі не туды
-
Беларускія вучоныя пахваліліся папяровымі кубачкамі, вырабленымі па новай тэхналогіі. Такія то рабілі даўно, але нашы дадалі іншае рэчыва
Цяпер чытаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў66
Каментары