ЗША: Расія вінаватая ў падзенні ракеты на польскую тэрыторыю ў любым выпадку, што б ні паказалі вынікі расследавання
ЗША будуць лічыць Расію адказнай за падзенне ракет у Польшчы незалежна ад канчатковых высноў расследавання, заявіла прадстаўніца Рады нацыянальнай бяспекі ЗША Эдрыэн Уотсан.
«Якімі б ні былі канчатковыя вынікі,
зразумела, што ў рэшце рэшт адказнай за гэты трагічны інцыдэнт з'яўляецца Расія, якая абстраляла Украіну ракетамі, спецыяльна прызначанымі для паражэння грамадзянскай інфраструктуры. Украіна мела і мае права на самаабарону», — сказала Уотсан.
Пры гэтым яна адзначыла, што амерыканскі бок «цалкам давярае расследаванню польскага ўрада».
«Мы не будзем апярэджваць іх працу і застаёмся ў цесным кантакце з нашымі польскімі калегамі, бо пакуль збіраем інфармацыю. Мы не ўбачылі нічога, што супярэчыла б папярэдняй ацэнцы прэзідэнта Дуды, згодна з якой гэты выбух, хутчэй за ўсё, быў вынікам узрыву ўкраінскай ракеты СПА, якая, на жаль, прызямлілася ў Польшчы», — дадала Уотсан.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары