«Мы не ведаем на 100 %». Зяленскі — пра тое, чыя ракета ўпала ў Польшчы
Прэзідэнт Украіны Уладзімір Зяленскі заявіў, што не можа са 100-адсоткавай упэўненасцю сказаць, якая ракета ўпала на тэрыторыі Польшчы 15 лістапада.
«Я не ведаю, што здарылася гэтым разам, мы не ведаем на 100 %, я думаю, што свет таксама не ведае на 100 %. Але я ўпэўнены, што была расійская ракета і што мы выкарыстоўвалі ракеты СПА. Але мы павінны быць справядлівымі і сумленнымі, пакуль расследаванне не завершанае, мы не можам гаварыць, якога тыпу была ракета, абломкі якой упалі на тэрыторыі Польшчы», — сказаў Зяленскі ў інтэрв'ю Bloomberg.
Раней ён ускладаў адказнасць за інцыдэнт з падзеннем ракеты ў Польшчы на Расію, якая ўвесь дзень абстрэльвала тэрыторыю Украіны. «Я не сумняваюся, што гэта была не наша ракета ці не наш ракетны ўдар», — казаў учора Зяленскі.
Краіны Захаду мяркуюць, што ракета была ўкраінскай. Газета The Washington Post паведаміла са спасылкай на ананімную крыніцу ў амерыканскай разведцы, што выбухі ў Польшчы адбыліся праз падзенне адной або дзвюх ракет С-300 украінскіх СПА, якія збіліся з курсу.
Цяпер чытаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў44
Каментары