У цэнтры Мінска знясуць холадакамбінат, а на яго месцы пабудуюць шматфукцыянальны комплекс
У Партызанскім раёне Мінска ўлады вынеслі на грамадскае абмеркаванне план квартала жылой забудовы ў межах вул. Іванаўскай — Андрэеўскай — Пуліхава — зав. Нагорнага — мясцовага праезда.
Што там можа змяніцца, разбіраўся Office Life.
Да 2024 года ў квартале хочуць пабудаваць адміністрацыйны будынак і рэканструяваць боксавыя гаражы за гасцініцай «40 гадоў Перамогі».
Уздоўж вуліцы Андрэеўскай, на месцы камунальнай забудовы прадпрыемства «БелЭЗ», кіналагічнай вайсковай часці і двухпавярховіка на вуліцы Іванаўскай, 50, з'явіцца шматкватэрная жылая забудова з убудаванымі памяшканнямі грамадскага прызначэння і падземным гаражом. Старыя будынкі знясуць.
Да 2030 года плануюць знесці будынкі холадакамбіната № 1 на вуліцы Першамайскай і ўзвесці там шматфункцыянальны грамадскі комплекс з паркінгам.
План прадугледжвае захаванне і добраўпарадкаванне азелянёных тэрыторый-сквераў на вуліцы Пуліхава (ля музея Азгура) і вуліцы Слясарнай.
Таксама з'явяцца 4 новыя скверы: на вул. Захарава — Азгура, вул. Захарава — Слясарнай (каля гімназіі № 7), вул. Пуліхава (каля дома № 21) і на скрыжаванні вул. Пуліхава — зав. Нагорнага.
Грамадскае абмеркаванне праекта праходзіць з 21 лістапада па 5 снежня.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары
не краіна, а адзін таргова-забаўляльны цэнтрбардэль і казіно і парадак