Кіраўнік МЗС Малдовы: 90 працэнтаў краіны засталося без электрычнасці
На большай частцы Малдовы, як і пасля мінулых расійскіх абстрэлаў, адключылася электрычнасць, заявіў кіраўнік малдоўскага МЗС Ніку Папеску ў інтэрв'ю праграме Бі-бі-сі Newshour.
«Я бачу вельмі мала агнёў, 90% краіны без электрычнасці», — сказаў Папеску.
«Тралейбусы, святлафоры, вадаправод — адключэнне электрычнасці закранула ўсё. Традыцыйна мы імпартуем электраэнергію з Украіны і Румыніі. За апошнія паўтара месяца былі перабоі, але сёння блэкаўт нашмат горшы», — дадаў міністр.
«Гэта шкода, спецыяльна прычыненая Расіяй. Нам патрэбная электрычнасць. Нам патрэбны газ. Не ўпэўнены, што нам ёсць, адкуль іх узяць. Гэта вельмі небяспечная сітуацыя. Малдаване могуць паспрабаваць з'ехаць у ЕС. Магчыма, мы сутыкнуліся з гуманітарным крызісам, які адчуе ўся Еўропа», — сказаў Папеску.
Каментары