Улады Манголіі маюць намер разагнаць натоўп пратэстоўцаў у сталіцы Улан-Батар сілавымі метадамі, калі натоўп не разыдзецца цягам найбліжэйшых дзвюх гадзін, паведвмляе РБК.
Пра гэта паведаміў статс-сакратар Міністэрства юстыцыі Сайнзарыг.
Паводле звестак выдання, перад Палацам урада ва Улан-Батары сабраліся некалькі тысяч чалавек, падставай для гэтага стала паведамленне аб крадзяжы вугалю на $1,8 млрд.
Раніцай 5 снежня кіраўнік спраў урада Манголіі Д. Амарбаясгалан і віцэ-прэм'ер, міністр эканомікі і развіцця Манголіі Ч. Хурэлбаатар правялі прэс-канферэнцыю, на якой паведамілі, што ў краіне расследуюцца крымінальныя справы аб крадзяжы вугалю ў АТ «Эрдэнэс Таванталгой», паведамляў партал навінаў DNN.mn.
«Усяго расследуецца 10 крымінальных спраў, звязаных з вугалем», — сказаў Ч.Хурэлбаатар. Паводле яго слоў, крымінальныя вытворчасці датычацца кантрактаў на пастаўкі вугалю, у тым ліку і па чыгунках. У дачыненні да злачынства падазраюць 15 службовых асоб.
Дэманстранты пачалі збірацца на плошчы Сухэ-Батара (Чынгісхана) перад Палацам урада ў знак пратэсту супраць карупцыі і раскрадання нетраў Манголіі напярэдадні, 4 снежня, паведамляў News.mn.
«Маё патрабаванне— раскрыць імёны раскрадальнікаў вугалю», — цытаваў партал аднаго з пратэстоўцаў. Да вечара ўдзельнікі мітынгу разышліся, але вярнуліся на галоўную плошчу мангольскай сталіцы 5 снежня. Пратэстоўцы паспрабавалі прарвацца ў Дом урада. У выніку цісканіны, якая ўзнікла на плошчы, чатыры чалавекі пацярпелі.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм15
Каментары