Галоўнакамандуючы Узброеных сіл Украіны Валерый Залужны распавёў, што ён думае пра камандуючага расійскімі войскамі ва Украіне Сяргея Суравікіна.
«Пры ўсёй павазе да спадара Суравікіна, калі паглядзець на яго, то гэта звычайны камандзір часоў Пятра I, скажам так, дзяржыморда. Глядзіш на яго і разумееш, што ці ты выконваеш заданне, ці табе канец. А мы даўно зразумелі, што такі падыход не працуе».
Па словах украінскага галоўнакамандуючага, ва ўкраінскай арміі ўсё інакш: часам 21-гадовыя лейтэнанты камандуюць мужчынамі, якім па 50-60 гадоў. А «трымаць парадак кулакамі і біцэпсамі» ва Узброеных сілах Украіны не атрымліваецца.
«Заўсёды можна быць нармальным. Быць нармальным — гэта значыць заставацца чалавекам у любой сітуацыі — гэта самае галоўнае. Заставацца чалавекам, станавіцца лідарам. Быць больш разумным, больш моцным, больш таленавітым і тады спрабаваць кіраваць людзьмі. Гэта рэлігія, якую я вызнаю».
Залужны падкрэсліў, што давярае сваім генералам, а таксама слухае тых, хто на месцах. «Таму што ініцыятыва там», — тлумачыць галоўнакамандуючы ўкраінскіх войскаў.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»25
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары