У Расіі анансавалі на 2023 год новыя супольныя з Беларуссю маштабныя вайсковыя вучэнні
Начальнік Генеральнага штаба Узброеных сіл Расіі, першы намеснік міністра абароны Валерый Герасімаў заявіў, што ў наступным годзе на супольныя з Беларуссю вайсковыя вучэнні плануюць запрасіць вайсковыя кантынгенты з іншых краін-партнёрак. Вучэнняў плануецца правесці два.
«У наступным годзе асноўнымі мерапрыемствамі падрыхтоўкі Узброеных сіл стануць манеўры войскаў і сілаў «Захад-2023» і супольныя аператыўныя вучэнні Узброеных сіл Рэспублікі Беларусь і Расійскай Федэрацыі «Шчыт Саюза — 2023», — паведаміў Валерый Герасімаў на брыфінгу для вайсковых аташэ замежных дзяржаў.
Паводле яго, для супольных дзеянняў у складзе Кааліцыйнай групоўкі войскаў «на манеўры прадугледжваецца запрасіць вайсковыя кантынгенты з узброеных сіл краін дзяржаў-партнёрак». Якія менавіта гэта будуць дзяржавы, Герасімаў не ўдакладніў.
У канцы 2021-га і пачатку 2022 года Расія праводзіла супольныя з Беларуссю вучэнні «Саюзная рашучасць», якія скончыліся ўварваннем ва Украіну 24 лютага, у тым ліку і з тэрыторыі Беларусі.
Каментары
хана балкончыку