Былы брамнік беларускай зборнай Васіль Хамутоўскі, асуджаны на два гады «хатняй хіміі», апублікаваў зварот, у якім абвінаваціў праваабаронцаў у стварэнні лішняга інфашуму за дзень да суда над ім і папрасіў не лічыць яго палітычным зняволеным.
«Хачу звярнуцца да тых, хто без згоды мяне, маіх родных, за дзень да суда прызналі палітзняволеным. Калі вы лічыце сябе праваабаронцамі, то павінны дапамагаць людзям, а не ствараць інфармацыйны шум за дзень да суда без згоды родных і блізкіх. Прашу не лічыць мяне палітзняволеным», — сказаў у звароце Хамутоўскі.
Хамутоўскага асудзілі па артыкуле 342 КК («Актыўны ўдзел у групавых дзеяннях, якія груба парушаюць грамадскі парадак»).
Нагадаем, спартовец быў затрыманы 30 верасня. Спачатку ён атрымаў 13 сутак адміністрацыйнага арышту за перасылку матэрыялаў з тэлеграм-канала, прызнанага ў Беларусі экстрэмісцкім, а потым, як сцвярджаецца, быў перазатрыманы па крымінальнай справе.
Пасля выбараў Васіль асудзіў гвалт і з’ехаў з краіны. Апошнім часам працаваў ва Украіне разам з Алегам Дулубам. Затрымалі Васіля пасля вяртання ў Беларусь, куды ён прыехаў на лячэнне.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны44
Каментары