Яго паху дастаткова, каб у доме з’явілася атмасфера свята. Дарэчы, смачны глінтвейн можа быць і безалкагольны — калі гатаваць яго з соку чырвонага вінаграду.
Фота: BBC Food
Інгрэдыенты для глінтвейну могуць вар'іравацца ў залежнасці ад вашых густаў і наяўнасці іх дома. Каб згатаваць глінтвейн, вам спатрэбіцца:
- 1 вялікі апельсін або лупіны апельсінаў, свежыя ці сухія
- 3 лімоны або лупіны лімонаў, свежыя ці сухія
- 12 бутонаў сушанай гваздзікі
- 2 мандарыны, калі маеце
- 2 бутэлькі чырвонага віна па 750 мілілітраў або паўтара ці два літры вінаграднага соку
- 2 палачкі карыцы
- 150 грамаў цукру (па жаданні)
- брэндзі на смак (па жаданні)
- Акуратна ачысціце апельсіны і лімоны ад цэдры так, каб яна была дужа тонкая. Можаце скарыстацца прыладай для луплення гародніны. Адцісніце з садавіны сок і адстаўце яго ўбок.
- Уторкніце бутоны гваздзікі ў мандарыны.
- Наліце віно ці сок і 1,2 літра халоднай вады ў вялікую каструлю з тоўстым дном, дадайце цэдру і сок цытрусавых. Пакладзіце туды ж мандарыны з гваздзікай і карыцу. Давядзіце сумесь да кіпення, потым трохі зменшыце агонь, накрыйце каструлю і працягвайце варыць глінтвейн — можна менш, можна больш, да гадзіны. Падчас гатавання паступова дадавайце цукар, пакуль глінтвейн не стане дастаткова салодкі на ваш густ (магчыма, у вас застанецца лішні цукар).
- Працадзіце глінтвейн і падавайце яго гарачым у кубках.
Рэцэпт на выхадныя: смажаныя грудкі качкі з інжырам
Як сабраць карысную ссабойку? Парады дыетолага
Рэцэпт на выхадныя. Клефтыка — сакавітая бараніна з грэчаскім каларытам
«Трэба нешта мяняць. Гэта ўжо наспела». Бацька Канапацкай падзяліўся думкамі пра выбары і ўдзел дачкі ў іх22
Каментары
вось вярталіся мы з пакатушак у Букаўлі, зарулівалі за наборам пад глінтвейн, ставілі фільм, сядалі і ўспаміналі, як мы класна пакаталіся
даўно няма той крамкі са спецыямі
вось-вось не будзе ці ўжо няма таго Віталюра
Букавель (мой любімы) ёсць, але наўрад ці мы калі тыды ўжо паедзем
ды й нават кінасенсаў тых хатніх даўно ўжо няма
* дарэчы, спадарства, а як будзе "сухофрукт" па-беларуску? ну не суха ж садавіна? а як?