Грамадства44

Мужа прапагандысткі СТБ падазраюць у дзяржаўнай здрадзе

Надзея Сас і яе муж пераехалі з Украіны ў Беларусь у 2022 годзе, за 11 дзён да ўварвання расійскіх войскаў. Яе мужа, дэпутата Вярхоўнай Рады Алега Валошына, падазраюць у працы на Расію. 

Алег Валошын і Надзея Сас. Фота: сацсеткі

Дэпутат Алег Валошын «свядома дзейнічаў на шкоду суверэнітэту, тэрытарыяльнай цэласнасці і непарушнасці, абараназдольнасці, дзяржаўнай, эканамічнай і інфармацыйнай бяспецы Украіны», — гаворыцца ў паведамленні СБУ Украіны. 

Дэпутата падазраюць у здрадзе дзяржаве, гэта частка 1 артыкула 111 КК Украіны.

У парламенце ён рэпрэзентаваў «Апазіцыйную платформу — За жыццё» — прарасійскую партыю, якая ўзнікла на руінах Партыі рэгіёнаў, якую ўзначальвалі былы прэзідэнт Віктар Януковіч і прэм'ер Мікалай Азараў, якія збеглі ў Расію ў 2014 годзе.

У рамках адкрытай крымінальнай вытворчасці супрацоўнікі СБУ сумесна з Дзяржаўным бюро расследаванняў пад пракуратурай Генпракуратуры праводзяць следчыя дзеянні па адрасах рэгістрацыі фігуранта, яго сваякоў і кантактаў.

«Прымаецца комплекс мер для прыцягнення да справядлівай адказнасці Валошына, якога цяпер хаваюць ад правасуддзя за мяжой», — паведамляе СБУ Украіны.

Алег Валошын раней працаваў прэс-сакратаром і дырэктарам Дэпартамента інфармацыі Міністэрства замежных спраў Украіны. У Вярхоўную Раду ён увайшоў па спісе «Апазіцыйнай платформы — За жыццё».

Як выявілася цяпер, у Валошына паралельна было расійскае грамадзянства, як і ў многіх іншых высокапастаўленых дзеячаў партыі Януковіча, уключаючы міністра абароны.

У чэрвені 2022-га дзейнасць партыі рашэннем суда была забаронена, бо сабраліся доказы, што яна была часткай ваеннага сцэнара Расіі і лукашэнкаўцаў па захопе Украіны і ліквідацыі ўкраінскай дзяржаўнасці.

Вядома, што ў сакавіку Дзяржаўнае бюро расследаванняў Украіны правяло ператрусы ў некаторых дэпутатаў АПЗЖ. Як паведамлялася раней, у кватэры Алега Валошына была знойдзена зброя.

Следчыя дзеянні праводзілася ў рамках дасудовага расследавання, якое было распачата па факце «неправамерных дзеянняў службовых асоб праваахоўных органаў, якія садзейнічалі пэўным асобам, у прыватнасці, народным дэпутатам, у незаконным перасячэнні дзяржмяжы».

Была адкрыта крымінальная вытворчасць па ч. 3 арт. 365 КК Украіны (перавышэнне ўлады або службовых паўнамоцтваў работнікам праваахоўнага органа, якое прывяло да цяжкіх наступстваў).

Сама Надзея Сас таксама была членам АПЗЖ, балатавалася ад яе ў дэпутаты Днепрапятроўскай абласной рады. Ва Украіне яна працавала на канале «112 Украіна», у кіраўніцтва якога ўваходзіў і сам Валошын.

Алег Валошын і яго жонка Надзея Сас разам з двума дзецьмі цяпер жывуць у Беларусі. Туды яны пераехалі 13 лютага, за 11 дзён да ўварвання расійскіх войскаў. Сас, хоць ніколі раней не мела дачынення да Беларусі, цяпер вядзе палітычнае ток-шоу «Сасс упаўнаважаны заявіць», у якое запрашае беларускіх і расійскіх прапагандыстаў.

Чытайце таксама: 

Працавала на тэлеканалах Медзведчука. Хто такая Надзея Сас — новая прапагандыстка СТБ

«Галоўнае, як сказаў кіраўнік дзяржавы, — «раздзявацца і рабіць». Хто такі Мікіта Палякевіч — новы твар АНТ

Расія зноў вядзе масіраваны абстрэл Украіны

Каментары4

  • Юзік са станцыі Крулеўшчына
    10.02.2023
    Нічога добрага да нашага берагу ніколі не прыплыве! Альбо гаўно, альбо трэскі!
  • ку
    10.02.2023
    Замещение экспортированных мозгов импортированными фекалиями
  • Weather
    10.02.2023
    как вульгарно выглядит татуированная женщина. мода дикарей и рабов.     

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць