Аляксандр Лукашэнка 14 лютага сваім указам вызваліў ад пасады ад пасады начальніка ўпраўлення Следчага камітэта па горадзе Мінску генерал-маёра юстыцыі Сяргея Паско.
Паведамляецца, што Сяргей Пасько звольнены ў запас па хваробе з правам нашэння ўстаноўленай формы адзення і знакаў адрознення.
Сяргей Паско вядомы сваімі адыёзнымі выказваннямі і дзеяннямі. Так, у лютым 2021 года ён выказваўся пра тое, што штрафы, заплачаныя пакаранымі «за палітыку» пры дапамозе фондаў салідарнасці, не павінны залічвацца, а грошы павінны, маўляў, спаганяцца паўторна непасрэдна з парушальнікаў.
Таксама менавіта ён часта расказваў пра гучныя крымінальныя справы супраць палітычных апанентаў рэжыму.
Таксама Аляксандр Лукашэнка сваім распараджэннем звольніў са службы ў органах унутраных спраў у запас па ўзросце генерал-маёра міліцыі Мікалая Мельчанку. Калісьці ён быў намеснікам міністра замежных спраў, але ў 2019 годзе быў адпраўлены афіцыйным прадстаўніком МУС у пасольства Беларусі ва Украіне і па сумяшчальніцтве ў Малдове. Відаць, там ён да пенсіі і дабыў. Мельчанку таксама пакінутае права нашэння формы і знакаў адрознення.
Каментары
кхм