Прапагандысты паказалі «жывы і здаровы» расійскі самалёт А-50. Але ёсць важныя нюансы
Вечарам 1 сакавіка многія прапагандысцкія рэсурсы рэжыму Лукашэнкі паказалі самалёт А-50, супраць якога 26 лютага была здзейсненая дыверсія. Быў прадэманстраваны невялікі ролік, на якім самалёт ДРЛА А-50 ВКС РФ вырульвае на аэрадроме ў Мачулішчах. Відэа суправаджаецца здзеклівымі каментарамі прапагандыстаў, што вось, маўляў, усё аказалася фэйкам. Але ва ўсім гэтым ёсць важныя нюансы, на якія звяртае ўвагу «Беларускі Гаюн».
Прапаганда вырашыла паказаць, што з А-50 «усё ў парадку», і спецыяльна зняла відэа ў прыцемках, дзе не бачныя дэталі, на трэці дзень пасля інцыдэнту.
«Беларускі Гаюн» не аспрэчвае, што відэа знята сёння ў раёне 20:00 па Мінску, гэта, мяркуючы па ўмовах надвор'я, выглядае праўдзівым. Але пры гэтым:
1. Відэа з бортам знятае ў прыцемках на чацвёрты дзень пасля інцыдэнту ў Мачулішчах. На кадрах паказана выключна руленне ДРЛА, што не з'яўляецца доказам таго, што ў самалёта не пашкоджаная круцельная антэна радарнага комплексу «Чмель», і нават таго, што самалёт можа лётаць.
2. Нам старанна паказваюць бартавыя нумары (хоць да гэтага заўсёды старанна замазвалі). Верагодна, каб падкрэсліць сваю «рацыю».
3. Усе ракурсы здымкі толькі знізу і збоку, што не дазваляе разгледзець яго зверху ў дэталях
(кажучы пра тыя месцы, якія маглі быць пашкоджаныя і на якіх раней рабіўся акцэнт тым, хто меў нейкае дачыненне да дыверсіі).
4. Параўноўваючы кадры 1 сакавіка з кадрамі 29 студзеня, відаць, што «талерка» выглядае інакш. Папярэднія драпіны не бачныя, затое відаць вялікая чорная пляма.
Вядома, што 26 лютага, акурат у дзень інцыдэнту, у Мачулішчы прыляцела брыгада рамонтнікаў з расійскага Іванава. Не выключана, што ў гэтыя дні мог праходзіць спешны першасны рамонт. А калі так, то ўсе чатыры дні самалёт хутка падлатвалі і падфарбоўвалі, каб паказаць, што «з ім усё ў парадку».
Сёння самалёт, як сцвярджае «Беларускі Гаюн», нікуды не лётаў, а ў Мачулішчах з абеду і да позняга вечара праходзяць планавыя трэніровачныя палёты авіяцыі ВПС Беларусі.
Чытайце таксама:
«Байпол» расказаў, чым падрывалі самалёт у Мачулішчах і што ў ім можа быць пашкоджана
-
Юнак з Бураціі тры гады марыў ваяваць ва Украіне. Падпісаў кантракт на наступны дзень пасля 18‑годдзя — і праз два месяцы загінуў
-
Дональд Туск дапускае прамыя расійскія ўдары па тэрыторыі Польшчы ў найбліжэйшы час
-
У час удару па ўкраінскім памежным пераходзе там былі еўрапейскія дарадцы па бяспецы і Борыс Джонсан
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары
Как они не тужатся кроме смеха ничего не вызывают.
Беларусь будет свободна от рашистов и их колобарантов!