Пасля адкрытых судоў над падлеткамі практыку распаўсюдзілі і на «крэпкіх гаспадарнікаў»
У Мазырскім райвыканкаме правялі адкрытае пасяджэнне суда. Новы спосаб запалохвання, апрабаваны на навучэнцах і прызыўніках, цяпер перанесены і на іншыя пласты грамадства, заўважае «Флагшток».
На вачах у калег адбылося вынясенне прысуду кіраўнікам сельгаспрадпрыемства «Каплічы» Калінкавіцкага раёна. Дырэктара, заатэхніка і яшчэ шасцярых супрацоўнікаў прадпрыемства абвінавацілі ва ўтойванні фактаў падзяжу жывёлы і няправільным афармленні статыстычнай справаздачнасці. Па звестках следства, прыпіскі склалі больш за 450 галоў.
Суд прызначыў абвінавачаным 7 гадоў пазбаўлення волі ў калоніі ўзмоцненага рэжыму.
Практыка выязных пасяджэнняў суда атрымала распаўсюджванне з 2021 года. Спачатку яна была апрабавана на адукацыйных установах. Суд на вачах у аднагодкаў падаваўся як «шокавы від прафілактыкі».
Цяпер чытаюць
Кадэбэшнікі тэлефануюць беларусам у эміграцыі праз іх сяброў — чаго хочуць?7
Каментары