«Тут няма нумароў». Кіраўнік Віцебшчыны пахваліўся перад дзяўчатамі беларускім смартфонам
Студэнткі пяці ВНУ Віцебска, якія прадстаўляюць моладзевае крыло абласной арганізацыі Беларускага саюза жанчын, пабывалі ў працоўным кабінеце старшыні Віцебскага аблвыканкама Аляксандра Субоціна і пагутарылі з кіраўніком вобласці, піша БелТА.
Старшыня аблвыканкама прадэманстраваў ім беларускі смартфон, па якім ён можа звязацца з кіраўнікамі міністэрстваў і ведамстваў. «Тут няма нумароў, проста націскаем на імя і выклік», — растлумачыў Аляксандр Субоцін.
Што ў кабінеце Субоціна? Напрыклад, іконы, якія пераязджаюць з кабінета ў кабінет і займаюць ганаровае месца насупраць працоўнага стала, футбольны мяч з аўтографамі каманды «Нафтан», нагайка — падарунак ад кубанскіх казакоў і кнігі.
Таксама паведамляецца пра асаблівы сувенір, які хутка адправіцца па прызначэнні, — «лялька-хлебароб», яе кіраўніку вобласці падарылі аграрыі з Верхнядзвінскага раёна. Унутры ў ільняной фігуркі знаходзіцца збожжа ўраджаю 2022 года, яго трэба будзе кінуць у зямлю на засеўках, якія пройдуць у вобласці, каб і сёлета паўтарыць поспех па зборы збожжа, піша БелТА.
Галоўчанка сказаў, калі ў Беларусі дзяржава перастане рэгуляваць цэны
Віцебскі аблвыканкам падпісаў пагадненне аб супрацоўніцтве з акупацыйнымі ўладамі Крыма
Цяпер чытаюць
У Александрыі Лукашэнка пасадзіў да сябе 23‑гадовую прыгажуню25
Каментары