У школах вырашылі стварыць яшчэ адзін факультатыў — вучні змогуць вывучыць асаблівасці працы на чыгунцы. Вучэбную праграму заняткаў «Уводзіны ў прафесію чыгуначнага транспарту» зацвердзіла Мінадукацыі. Пастанова ведамства апублікаваная ў чацвер на Нацыянальным прававым інтэрнэт-партале, паведамляе «Спутнік».
Факультатыў будуць праводзіць толькі ў 10-11 класах, праграма разлічаная на 70 гадзін (па 35 у кожным класе). Заняткі разлічаныя на 1 гадзіну на тыдзень. Мэта гэтага дадатковага ўрока асабліва прафесійна-арыентаваная — «стварэнне ўмоў для ўсвядомленага выбару прафесіі навучэнцамі».
У распрацаванай Міністэрствам адукацыі навучальнай праграме гаворыцца, што школьнікі павінны атрымаць уяўленне аб важнасці чыгуначнага транспарту ў краіне, аб грузавых і пасажырскіх перавозках, значнасці прафесій на чыгунцы.
Старшакласнікам раскажуць аб збудаваннях і прыладах чыгуначнага транспарту, вагонах і лакаматывах, электразабеспячэнні інфраструктуры, правілах бяспекі, а таксама правядуць прафарыентацыйную гутарку-дыялог «як выбраць прафесію, або некалькі парадаў выпускнікам».
Для навучэнцаў прадугледжаныя ў тым ліку экскурсіі і выязныя заняткі на аб'ектах Беларускай чыгункі.
У школах з'явіцца факультатыў па хакеі
З наступнага навучальнага года ў Беларусі ўвядуць другі абавязковы элемент школьнай формы
Цяпер чытаюць
Прапаганда рыхтуе грамадства да загадкавай «працяглай камандзіроўкі» Лукашэнкі39
Каментары