Алег Нямчынаў. Фота з фэйсбука
Пратакольнае рашэнне, якое прыняў урад Украіны, было ўхваленае па прапанове міністра моладзі і спорту Украіны, а таксама прэзідэнта НАК Украіны Вадзіма Гутцайта. Гэтае рашэнне распаўсюджваецца на ўсе спаборніцтвы, уключаючы адборачныя старты перад Алімпіядай-2024.
«На пасяджэнні ўрада прынятае пратакольнае рашэнне па прапанове калегі Гутцайта аб тым, што мы ўдзельнічаем у адборачных спаборніцтвах [на Алімпіяду-2024] толькі там, дзе няма расіян. Адпаведна, удзел па-за гэтымі крытэрыямі можа быць падставай для пазбаўлення федэрацыі статусу нацыянальнай», — заявіў Нямчынаў.
Дэталёвага тлумачэння, як менавіта будзе дзейнічаць пастанова ўрада Украіны, няма. Напрыклад, ці мусяць украінскія спартсмены адмаўляцца ад удзелу ў турніры, дзе расіяне ў прынцыпе ёсць, але не ў іх дысцыпліне.
Чытайце таксама:
Дык ці паедзе Недасекаў на Алімпіяду? Вось чаго чакаць ад аслаблення спартовага бану
