Расійскае камандаванне, па ўсёй бачнасці, шукае спосабы стварэння і развіцця ўнутры краіны альтэрнатыўных прыватных ваенных кампаній, якія змаглі б у канчатковым выніку замяніць ПВК «Вагнер», якая грае значную ролю ў тэатры баявых дзеянняў на тэрыторыі Украіны.
Такая асноўная выснова чарговага шторанішняга даклада ваеннай разведкі Вялікабрытаніі.
Як пішуць аўтары дакладу, адна з прычын, па якіх Масква шукае замену наймітам «Вагнера», складаецца ў тым, што заснавальнік групы Яўген Прыгожын неаднаразова ўступаў у прамы канфлікт з расійскім Міністэрствам абароны, што вельмі раздражняе расійскае вайсковае кіраўніцтва, якое прызвычаілася да строгай субардынацыі. У Маскве спадзяваюцца, што альтэрнатыўныя прыватныя баявыя падраздзяленні трымаць пад кантролем будзе прасцей.
Праблема ў тым, працягваюць аўтары дакладу, што ў цяперашні час ніводная іншая вядомая расійская ПВК нават не набліжаецца да «Вагнера» па колькасці і баявой моцы.
У астатнім жа логіка расійскага камандавання, якое аддае перавагу таму, каб ваяваць ва Украіне сіламі наймітаў, цалкам зразумелая: яны куды больш эфектыўныя чым салдаты рэгулярнай арміі, а асноўныя выдаткі па іх утрыманні кладуцца на плечы прыватнага бізнэсу.
Акрамя таго, у Маскве небеспадстаўна мяркуюць, што цяжкія страты асабовага складу ПВК значна больш прымальныя для расійскага грамадства і не выклікаюць рэзкага росту антываенных настрояў у краіне.
Кіраўнік Крыма стварыў уласную ПВК, звязаную з Яўгенам Прыгожыным
Журналісты пацвердзілі асобы 18 тысяч загінулых ва Украіне расійскіх вайскоўцаў
Як склаўся лёс хлопца з вядомага жыццесцвярджальнага фота студэнцкага маршу-2020?2
Каментары