XI Міжнародны кангрэс даследчыкаў Беларусі абвясціў збор індывідуальных заявак
XI Міжнародны кангрэс даследчыкаў Беларусі сёлета пройдзе ў Гданьску з 22 па 24 верасня. Галоўныя польскія партнёры ХІ Кангрэса — гданьскі Музей Другой Сусветнай вайны, Еўрапейскі цэнтр Салідарнасці, Нацыянальны марскі музей. Цяпер арганізацыйны камітэт форуму абвясціў збор індывідуальных заявак па 14 даследчых кірунках.
Сёлета праца Кангрэса будзе адбывацца па 14 даследчых панэлях, якія ўключаюць усе асноўныя сацыяльныя і гуманітарныя дысцыпліны: гісторыя, міжнародныя адносіны, паліталогія, сацыялогія, лінгвістыка, літаратуразнаўства ды іншыя кірункі, адзначаецца на старонцы Кангрэса ў фэйсбуку.
Даследчыкі сёлетняга форуму надаюць шмат увагі асэнсаванню падзей 2020-2023 гадоў у Беларусі — расійскай палітыцы ў дачыненні да Беларусі, пытанням культурнага і палітычнага супраціву, рэлакацыі беларускага бізнэсу, украінска-беларускім гістарычным сувязям, пытанням аховы гісторыка-культурнай спадчыны, вывучэнню эканамічнага крызісу ў рэгіёне.
Поўны спіс панэляў і тэмаў дакладчыкаў можна паглядзець тут.
Для таго, каб прыняць удзел у форуме ў якасці выступоўцы, неабходна запоўніць анлайн-форму і прадставіць тэзісы ў тэксце памерам 2-4 тысячы знакаў. Дэдлайн — 15 траўня 2023 года.
Міжнародны Кангрэс даследчыкаў Беларусі (International Congress of Belarusian Studies) — штогадовы акадэмічны і экспертны форум даследчыкаў Беларусі і рэгіёна Цэнтральнай і Усходняй Еўропы. Ён быў заснаваны прадстаўнікамі беларускай і літоўскай грамадскасці ў 2010 годзе з мэтай інтэграцыі даследчыкаў і экспертаў у палітычнай, сацыяльнай і гуманітарнай сферах, спрыяння больш глыбокаму разуменню Беларусі ў акадэмічных і грамадскіх асяродках краін рэгіёна і свету. Кангрэс з’яўляецца самай прадстаўнічай штогадовай акадэмічнай і экспертнай падзеяй Беларусі, у працы якой прымаюць удзел усе асноўныя інтэлектуальныя цэнтры даследавання грамадства, палітыкі і культуры Беларусі.
Каментары
на фота гляджу...
https://nashaniva.com/314043
ёпрст... я думала наш так званы музей вов жопа жопная... аказваецца ёсць аналагі...